(( حكــــــــــــم باأبيـــــــــــــــا ت ))

[center](( حكــــــــــــم باأبيـــــــــــــــا ت ))

--------------------------------------------------------------------------------

(( حكــــــــــــم باأبيـــــــــــــــا ت ))

------------------------------------

حكــــــــــــم باأبيـــــــا ت

أحفظ دبشك اللي عن الناس مغنيك

اللي ليا بان الخلل فيـك يرفـاك

وأعرف ترى مكة ولاها بناخيـك

لو تطلبه خمسة ملاليم ما أعطاك

والحر مثلك يستحي يصحب الديك

وإن صاحبه عاعا معاعات الأدياك

بــركــات الـشــريــف

........

ليا عاد ما للرجّال رأيٍ يدله

يأخذ من أشوار الرجال دليل

الشريف جـري الجنوبـي
........

من عوّد العين المنام تعـوّدت

ومن عوّد العين المساري تعاود

ومن عوّد الصبيان أكل بيتـه

عاودوه في عسر الليالي الشدايد

راشــــد الــخــلاوي

........

النوم رأس اللوم بان الردى بـه

واللي يبي الطولات نومه شلافيح

الذيب ما يرقد ورزقـه نهابـه

يدوّر الغرات عنـد المصاليـح

واللي يبا الطولات يتعب ركابه

والعز بأكوار النضا ياهل الفيح

مـريـبــد الـعـدوانــي

........

فتـى بـلا عـزم حياتـه مذلـة

والعزم لقلـوب الرجـال طبيـب

من لا صبر بالعسر ما ذاق يسرها

وباب الفرج للصابريـن قريـب

محـمـد الأحـمـد السـديـري
........

مقام الفتى في منصب العز ساعة

ولا ألف عام يصحب الذل صاحبه

راشــــد الــخـــلاوي
.......

المراجل مـا تهيّـا هالسّويـا

كود من عض النواجذ في سنونه

عــبــدالله الـقـريـفــة
........

الظفر ساعه وإن حلّ ماجوبه

والمراجل لها حزّات ورجالي

ضـيـدان الـعـارضـي

..........

الحمّـرة تـدرك معوشـة عيالهـا

وألا الرجل يبغى منه بعض الأحوال

خلـف أبـو زويــد الشـمـري
.........

ليا صار ما توفي عميلك من الصاع

ما ينقعد لك عند حصـن النواهيـم

شبرٍ من البيداء يعوّضك بالافـزاع

وسود الليالي يبعدنّك عـن الضيـم

ســعـــدون الـعــواجــي

.........

من لا يديس الرأي من قبل ما ديس

عليـه داسـوه العيـال القرومـي

ومن لا يقلّط شذرة السيف والكيس

يبدي عليـه مـن الليالـي ثلومـي

والقصر ما يصلح على غير تسييس

ومن لا تعلم مـا تفيـد العلومـي

تـركــي بـــن حـمـيــد

..........

الناس ما تسقيك لا صرت عطشان

ولا يشرب المضمي كود من ذراعه

أضرب على الكايد ليا صرت بحلان

وعند الولي وصل الحبل وإنقطاعـه

عيبٍ على اللي يتقي عقب ما بـان

وعيبٍ طمان النفس عقب إرتفاعـه

عـبـيـد الـعـلـي الـرشـيـد

..........

من حل دار النـاس حلّـوا ديـاره

لابـد مـا تسكـن ديـاره ويغبـن

ومن شق ستار الناس شقوّا ستـاره

ومن ضحك بالثرمان ضحك بلا سن

شـالــح بـــن هــــدلان

............

حيٍ يورّيك المذلـة وتغليـه

أنا أشهد إنك ميت القلب عامي

من لا يوّدك لا توّده وترجيه

أرفع مقامك يا عزيز المقامي

محمـد الأحمـد السـديـري
........

الضرس يعبى له عن السهر مقلاع

حتى تنام العين ما هـي طلابـه

خـــــلــــــف الأذن

..........

أنا أشهد إن بقصرة الرجل نوماس

لا صار ما للرجل داعيٍ دعاهـا

مـبـارك بـــن عبـيـكـة

...........

لا تأخذ الدنيا خراصٍ وهقوات

يقطعك من نقل الصميل البرادي

لك شوفةٍ وحده وللناس شوفات

ولا واديٍ سيله يفيض بـوادي

عـبـدالله بـــن سـبـيّـل
.........

لا يأمن المظهود جمع المعـزة

ولا يأمن الجمع العزيز الظهايد

أيضا وبيت الفقر لا يأمن الغنى

وبيت الغنى لا يأمن الفقر عايد

راشــــد الــخــلاوي

.......

ليا خاب ظنك بالرفيق الوالي

ما لك مشاريهٍ على نايد الناس

محمـد الأحمـد السـديـري
........

يا بايعٍ جوخٍ على غير أهاليـه

مثل الذي ينزل بقصـرٍ خرابـه

ولد الردي لو طاب لك لا تماشيه

يومين والثالث يبين الردى بـه

مشـعـان بـــن هـــذال

...........

لعل قصرٍ ما يجـي لـه ظلالـي

ينهد من عالـي مبانيـه للسـاس

لا صار ما هو مدهـلٍ للرجالـي

وملجأ لمن هو يشكي الضيم والباس

محـمـد الأحـمـد السـديـري

...........

الأجواد إن قاربتهم مـا تملّهـم

والأنذال إن قاربتها عفت ما بها

الأجواد وإن قالوا حديثٍ وفوبـه

والأنذال منطوق الحكايا كذابهـا

الأجواد صندوقين مسك وعنبر

ليا فتحت أبوابها جاك مـا بهـا

والأنذال لو غسّلوا ايديهم تنجّست

نجاسة قلوبٍ ما يفيد الدواء بهـا

مـحـمــد الـمــهــادي

...........

أحدٍ على جـاره بختـري ونـوّار

وأحدٍ على جـاره صفـاةٍ محيفـه

خطو الولد مثل البليهي ليـا ثـار

زودٍ على حمله نقـل حمـل أليفـه

وخطو الولد يا مال قصّاف الأعمار

لا نافـعٍ نفسـه ولا منـه خيفـه

مقـحـم النـجـدي الصـقـري

...........

شبعنا وشبع الذّر مـن زاد سورنـا

وللـذّر فـي زاد الكـرام معـاش

يعطي العطى من كان ضاريٍ للعطى

ويمنّ العطى من كـان خالـه لاش

ومن لا يعرّب منسبه قبـل منشبـه

تـروح عليـه عيلانـه بــلاش

...........

عرّب وليدك عرّبـه

والنار من مقباسهـا

والعز بوروك النساء

اللي عريبٍ ساسهـا

بنت الردي لا تأخذه

لو هو طويلٍ رأسها

............

لا تأخذ الهزلا على شأن مالها

ولا تقتبس من نارهم بالوقايد

لا تأخذ ألا بنت قومٍ حميـده

لعل ولدٍ منها يجـي بالفوايـد

راشـــد الــخــلاوي

..........

أبا أنذر اللي من ربوعي يبا الطيب

لا يأخذ ألا من بيـوت الشجاعـه

يجي ولدها مـذربٍ كنّـه الذيـب

عزٍ لأبوه وكل مـا قـال طاعـه

وبنت الردي يأتي ولدها كما الهيب

غبنٍ لأبـوه وفاشلـه بالجماعـه

يا كبر زوله عند بيت المعازيـب

متحـريٍ متـى يقـدم متـاعـه

شـالــح بـــن هـــدلان

...........

الطيب ما هو بس للضاعنينا

قسّم على كل الوجيه المفاليح

بـــداح الـعـنـقـري
.........

منقوووووووول

أرجو من اللة أن أكون قد وفقت بهذا النقل وأن

تعم الفائدة الجميع ..

....

صح لسانك الشمالي

صح لسانك يمبدع

صح اللسانك
مشكور

صح لسانك
ومشكور وما قصرت